OZ PLANET klassik faktoringni ishga tushiradi
Zamonaviy kompaniyalar pul oqimlarini boshqarish uchun optimal yechimlarni doimiy ravishda izlamoqdalar. Aylanma kapitalni samarali tasarruf etish imkonini beruvchi vositalar alohida dolzarblik kasb etmoqda. Ushbu ehtiyojlarga javoban OZ PLANET faktoring xizmatlari portfelini kengaytirmoqda. Yangi mahsulot — klassik faktoring (regressli faktoring) bo‘lib, u yetkazib beruvchi kompaniyalarga debitorlik qarzlarini bir zumda moliyalashtirishga aylantirish va pul oqimlarini optimallashtirish imkonini beruvchi moliyaviy vositadir.
Mahsulotning asosiy xususiyatlari
Regressli faktoringda yetkazib beruvchi xaridorning qarzini (debitorlik qarzini) to‘lamaslik riskini o‘z zimmasiga oladi. Bu shuni anglatadiki, agar xaridor qarzni to‘lamasa, faktor (bank) yetkazib beruvchidan unga to‘langan summani qaytarishni talab qilish huquqiga ega. Shu munosabat bilan faktor yetkazib beruvchi kompaniyaning kredit riskini baholaydi va unga individual moliyalashtirish limitini belgilaydi.
Mahsulotning afzalliklari
- Debitorlik qarzlari bo‘yicha moliyalashtirishning maksimal hajmi
- Komissiya boshqa faktoring turlariga qaraganda pastroq
- Hujjatlarning minimal soni va garovning yo‘qligi
- Mahsulot/xizmat yetkazib berilgandan va tasdiqlovchi hujjatlar yuklangandan so‘ng moliyalashtirishni darhol olish.
Mahsulotdan kim yutadi?
- Rivojlangan xaridorlar tarmog‘iga ega yirik yetkazib beruvchilar
- O‘z xaridorlarining to‘lov qobiliyatiga ishongan kompaniyalar
- Tez rivojlanayotgan kompaniyalar
Regressli faktoring biznesga turli kontragentlar bilan munosabatlarni moslashuvchan tarzda o‘rnatish imkonini beradi, chunki faktorning e’tibori yetkazib beruvchining to‘lov qobiliyatini baholashga qaratilgan.
Bundan tashqari, OZ PLANET’dagi klassik faktoring to‘lovlarni batafsil monitoring qilish, hisobotlarni yuklab olish, mijozlarni kuzatib borish va qo‘llab-quvvatlash, dasturiy ta’minotni o‘z vaqtida yangilash kabi biznes uchun boshqa xizmatlarni ham o‘z ichiga oladi.
Shuningdek, klassik faktoring doirasidagi xizmatlar xaridorlarning ishonchliligini tahlil qilishni o‘z ichiga olishi mumkin. Bu, ayniqsa, mijozlar bazasini kengaytirishga intilayotgan yoki yangi mijoz bilan bitim tuzishga tayyorlanayotgan yetkazib beruvchilar uchun talab qilinadi.
OZ PLANET raqamli platformasi faktoringni moliyalashtirish bo‘yicha tezkor qarorlar qabul qilish va barcha operatsiyalarning shaffofligini ta’minlaydi. Bu yetkazib beruvchilarga o‘z biznesini rivojlantirishga e’tibor qaratib, kerakli mablag‘larni tez va samarali olish imkonini beradi.
OZ PLANET platformasidagi klassik faktoring (regressli faktoring) — rasmiylashtirishning soddaligi, moliyalashtirishning qulay narxi va bir qator dolzarb qo‘shimcha xizmatlarni o‘zida mujassam etgan moliyaviy vositadir. Ushbu mahsulot yirik yetkazib beruvchilar va tez rivojlanayotgan kompaniyalarga o‘z pul oqimlarini samarali boshqarishga va moliyaviy ko‘rsatkichlarini sezilarli darajada yaxshilashga yordam beradi.
