«Texnomart» tarmog‘i yetkazib beruvchilari uchun faktoring moliyalashtirish yanada qulay bo‘ldi
«Texnomart» yirik savdo tarmog‘ining yetkazib beruvchilari OZ PLANET raqamli platformasida onlayn formatda faktoringdan foydalanish imkoniyatiga ega bo‘ldi. 2024-yil noyabr oyida «Texnomart» kompaniyasi OZ PLANET platformasida ro‘yxatdan o‘tdi va allaqachon platforma faktorlaridan biridan limit oldi.
Shu tufayli savdo tarmog‘ining yetkazib beruvchilari endi faktoring moliyalashtirishini olishda ustunlikka ega: «Texnomart» tarmog‘i bilan yetkazib berish bo‘yicha shartnomaga ega bo‘lgan yetkazib beruvchilar qo‘shimcha tekshiruvlarsiz tezda moliyalashtirish oladilar.
Bir tomondan, yetkazib beruvchi kompaniyalar kassa uzilishlariga yo‘l qo‘ymaydi va yirik xaridorga uzluksiz yetkazib berishni ta’minlaydi, «Texnomart» esa, o‘z navbatida, yetkazib beruvchilarni yo‘qotmaydi va mahsulot assortimentini o‘z vaqtida to‘ldiradi.
«Texnomart» savdo tarmog‘i 2008-yilda tashkil etilgan bo‘lib, O‘zbekistonda maishiy texnika va elektronika savdosiga ixtisoslashgan. «Texnomart» uchta formatdagi do‘konlarga ega: Mini, Standard va Extra. Ular maydoni, joylashuvi va tovarlar assortimentiga ko‘ra farqlanadi.
Kompaniya maktablarni kompyuterlar bilan jihozlash, bolalar uchun turli to‘garaklarda o‘qish sertifikatlari va lagerga yo‘llanmalar, qon donorligi, xayriya yugurish musobaqalarida ishtirok etish kabi mamlakatdagi ijtimoiy ahamiyatga ega loyihalarda ishtirok etadi, shuningdek, o‘zining ijtimoiy tashabbuslarini amalga oshiradi.
