«Ipoteka-bank» ATB OZ PLANET platformasida raqamli faktoring yordamida mijozlarning imkoniyatlarini kengaytirmoqda
2024-yil 2-dekabrda O‘zbekiston Respublikasining beshinchi yirik banki «Ipoteka-bank» ATB OZ PLANET raqamli platformasi bilan shartnoma imzoladi. Buning samarasida O‘zbekiston korxonalarida faktoring moliyalashtirishni masofaviy formatda olish imkoniyati yanada kengaydi.
«Ipoteka-bank» ATB rahbariyati OZ PLANET raqamli platformasiga ulanishga qaror qildi, chunki bu arizalarni ko‘rib chiqish jarayonini sezilarli darajada tezlashtiradi va bitim xarajatlarini kamaytiradi. Faktoring bitimining barcha bosqichlari endi onlayn rejimda amalga oshiriladi, bu esa ishtirokchilarning bir-biridan uzoqligining shartnoma bo‘yicha operatsiyalar tezligiga ta’sirini bartaraf etadi. Faktoring moliyalashtirishning OZ PLANET raqamli platformasiga o‘tkazilishi bankka mijozlarga xizmat ko‘rsatishning yuqori sifatini ta’minlash, bajariladigan arizalar hajmini oshirish, shuningdek, biznes yuritishning «yashil standartlari»ga javob berish imkonini beradi.
OZ PLANET platformasi direktori Aleksandr Bogdanov shunday deydi:
«O‘zbekiston Prezidenti tomonidan «Faktoring xizmatlari bozorini jadal rivojlantirish chora-tadbirlari to‘g‘risida»gi Farmon qabul qilingan kundan boshlab faktoringni raqamlashtirish jadal tus ola boshladi.
OZ PLANET faktoring bitimi jarayonini modernizatsiya qiladi va platformaning innovatsion funksionalligi, foydalanishga qulay interfeysi, hujjatlarni ERI bilan imzolash imkoniyatiga ega elektron hujjat aylanishi, shuningdek, bitim borishi to‘g‘risida real vaqtda ma’lumot olish imkoniyati tufayli uni qulay qiladi.
OZ PLANET raqamli platformasida korxonalar butun mamlakat bo‘ylab banklardan moliyalashtirish oladi. Faktorlar mijozlar bazasi geografiyasini kengaytiradi va xizmat ko‘rsatish sifatini oshiradi».
«Ipoteka-bank» ATB 2005-yilda uy-joy qurilishini moliyalashtirish bo‘yicha vakolatli ikki bankning birlashishi natijasida tashkil etilgan. O‘shandan beri ipoteka kreditlashga ixtisoslashgan. 2023-yildan beri OTP Group a’zosi. Bank xususiy va korporativ mijozlarga keng ko‘lamli bank xizmatlarini taqdim etadi.
«S&P Global Ratings» xalqaro reyting agentligining baholashiga ko‘ra, «Ipoteka-bank» ATB likvidlik ko‘rsatkichlari bo‘yicha «Barqaror» hisoblanadi.
Bank «yashil mahsulotlar» ishlab chiqish orqali atrof-muhitni muhofaza qilishga hissa qo‘shadi. Suv resurslaridan foydalanishni optimallashtiradigan loyihalarni moliyalashtiradi va qog‘ozsiz operatsiyalarni maksimal darajada oshirish uchun raqamlashtirishni faol joriy etadi.
Bank innovatsiyalarga ochiq, O‘zbekiston Respublikasi iqtisodiyotini rivojlantirish uchun sharoit yaratishga qaratilgan va mijozlarni kuzatib borishning eng yuqori sifat standartlariga javob berishga intiladi.
